ខណៈកំពុងឡើងទម្រង់លេង ខ្សែបម្រើ Jude Bellingham បានរងរបួសកជើង។
ក្នុងអំឡុងប្រកួតជាមួយ Girona ដែល Real Madrid យកឈ្នះដល់ទៅ ៤-០ កាលពីម្សិលមិញ Bellingham បានរងរបួសកជើង។ របាយការណ៍បឋមចុះផ្សាយដោយសារព័ត៌មានធំៗបានឲ្យដឹងថា Bellingham អាចនឹងអវត្តមានដោយសាររបួសនេះប្រមាណ ២ ទៅ ៣ សប្ដាហ៍។មុនរងរបួស Bellingham បានស៊ុតចូល ២ គ្រាប់ឲ្យក្រុមក្នុងប្រកួតជាមួយ Girona។
ខ្សែបម្រើអង់គ្លេសវ័យ ២០ ឆ្នាំ Bellingham បានបង្ហាញទម្រង់លេងយ៉ាងល្អ តាំងពីមកចូលលេងឲ្យ Real Madrid នៅខែមិថុនា ឆ្នាំ២០២៣ មក។ កីឡាករត្រូវបាន Real ផ្ទេរពី Borussia Dortmund ក្នុងតម្លៃ ប្រមាណ ១០០ លានអឺរ៉ូ។ គិតមកទល់ ពេលនេះ Bellingham បានបង្ហាញខ្លួនលេងឲ្យក្លឹបយក្សអេស្ប៉ាញចំនួន ២៩ លើក និងស៊ុតចូលរហូតដល់ទៅ ២០ គ្រាប់៕
