ខ្សែបម្រើ Isco បានចុះកុងត្រារយៈពេលជាមួយ Real Batis។
កុងត្រាថ្មីនេះមានរយៈពេល ៤ ឆ្នាំ រហូតដល់ខែមិថុនា ឆ្នាំ២០២៧។
ខ្សែបម្រើ Isco បានបង្ហាញទម្រង់លេងល្អគួរឲ្យកត់សម្គាល់ក្នុងរដូវកាល ២០២៣/២០២៤ នេះក្រោយចូលរួមជាមួយក្លឹប Real Betis កាលពីចុងខែកក្កដាកន្លងទៅ។
កីឡាករបានបង្ហាញទម្រង់លេងយ៉ាងល្អជាពិសេសបោះបាល់បញ្ជូនបាល់បង្កើតឱកាសនិងស៊ុតបញ្ចូលទីតែម្ដង។
ការឡើងទម្រង់លេងនេះគឺជារឿងគួរឲ្យកត់សម្គាល់ព្រោះជាង ៩ ខែមុនមកចូលរួមជាមួយ Betis កីឡាករមិនបានចូលលេងប្រកួតបាល់ទាត់ផ្លូវការសូម្បីតែមួយនាទី។ មិនតែប៉ុណ្ណោះកីឡាករអត់មានក្លឹបលេងដល់ជាង ៧ ខែក្រោយបញ្ចប់កុងត្រាជាមួយ Sevilla កាលពី ខែធ្នូ ឆ្នាំ២០២២។
Isco ចំណាយពេលដល់ទៅ ៩ រដូវ កាលនៅ Real Madrid ពីឆ្នាំ ២០១៣ ដល់ ឆ្នាំ ២០២២។ ក្នុងរយៈពេលខ្លះនៃ ៩ ឆ្នាំនោះ កីឡាករត្រូវ បានមជ្ឈដ្ឋានបាល់ទាត់យល់ឃើញថាជាកីឡាករលេចធ្លោ។ ទោះជាយ៉ាងណាបញ្ហាមួយចំនួនដូចជាបញ្ហារបួសនិងការធ្លាក់ទម្រង់លេងធ្វើឲ្យកីឡាករមិនអាចក្លាយជាកីឡាករបង្គោលរបស់ Real បានហើយក៏ចែកផ្លូវគ្នាទៅចូលរួមជាមួយ Sevilla កាលពីខែសីហា ឆ្នាំ២០២២។ នៅ Sevilla បាន ៣ ខែកីឡាករក៏បានព្រមព្រៀងដើរចេញជាមួយក្លឹបកាលពីខែធ្នូ ឆ្នាំ២០២២។ អត់ក្លឹបលេងជាង៧ ខែទើបកីឡាករបានមកចូលលេងឲ្យ Betis ក្នុងរដូវកាលនេះ៕
