ក្លឹបអង់គ្លេសចំនួន ២ រួមមាន Manchester United និង Newcastle United ប្រឈមនឹងធ្លាក់ចេញពីព្រឹត្តិការណ៍បាល់ទាត់ក្លឹបកំពូលអឺរ៉ុប UEFA Champions League ត្រឹមវគ្គចែកពូល។
Manchester United ស្ថិតនៅពូល A ជាមួយក្លឹប Bayern Munich របស់អាល្លឺម៉ង់ ក្លឹបដាណឺម៉ាក Copenhagen និងក្លឹបទួរគី Galatasary។ បិសាចក្រហមជាប់លេខ ៤ ជាមួយនឹង ៤ពិន្ទុ។ បើចង់ឡើងវគ្គបន្ត ទាល់តែបិសាចក្រហមយកឈ្នះ Bayern Munich ក្នុងសប្ដាហ៍នេះ ហើយក្លឹប Copenhagen និងក្លឹប Galatasaray លេងបានត្រឹមលទ្ធផលស្មើ។
ចំណែកឯ Newcastle United វិញ ជាប់លេខ ៣ នៅពូល F ដែលជាពូលជាមួយ Dortmund, PSG និង AC Milan។ បើចង់ឡើងវគ្គបន្ត ទាល់តែ Newcastle យកឈ្នះ AC Milan ក្នុងប្រកួត UCL សប្ដាហ៍នេះ ហើយ PSG មិនអាចយកឈ្នះ Borussia Dortmund បាន។
នៅក្នុងរដូវកាល២០២៣/២៤នេះ មានក្លឹបអង់គ្លេសចំនួន ៤ ដែលបានជាប់ទៅលេងនៅក្របខ័ណ្ឌ Champions League នៅទ្វីបអឺរ៉ុប។ ក្លឹបទាំង ៤នោះរួមមាន Arsenal, Manchester City, Manchester United និងក្លឹប Newcastle United៕
