ក្លឹបបិសាចក្រហម Manchester United បានធ្លាក់ចេញពីក្របខ័ណ្ឌ UEFA Champions League ហើយអត់ទាំងមានឱកាសទៅលេងនៅក្របខ័ណ្ឌអឺរ៉ុបទី២ UEFA Europa League ទៀតផង ក្រោយលេងចាញ់ក្លឹបអាល្លឺម៉ង់ Bayern Munich ក្នុងលទ្ធផល ១ ទល់នឹង ០ កាលពីយប់មិញ។
Man Utd បានបញ្ចប់យុទ្ធនាការ Champions League របស់ខ្លួន ដោយជាប់លេខ ៤ នៅពូល A ដោយមានតែ ៤ពិន្ទុក្នុងដៃប៉ុណ្ណោះ។
ក្លឹបបិសាចក្រហមនៅក្នុងឆ្នាំនេះបានបង្កើតកំណត់ត្រាដ៏អាក្រក់មួយនៅអឺរ៉ុប ដោយខ្លួនរងគ្រាប់បាល់ ១៥គ្រាប់នៅក្នុងវគ្គចែកពូល UCL ដែលជាកំណត់ត្រាអាក្រក់ជាងគេនៅក្នុងប្រវត្តិសាស្ត្របាល់ទាត់អឺរ៉ុប។ កំណត់ត្រានេះកាន់កាប់លើកចុងក្រោយ ដោយក្លឹបបែលហ្សិក Royal Antwerp កាលពីទសវត្សឆ្នាំ១៩៥០។
បន្ថែមពីនេះទៅទៀត នេះជាលើកទី១ ហើយដែល Man Utd រកបានពិន្ទុតិចជាងគេនៅក្នុងប្រវត្តិសាស្ត្ររបស់ខ្លួននៅ UCL ដោយក្លឹបនេះរកតិចបំផុតក៏បាន ៦ពិន្ទុដែរ៕
